Бастауыш білім беру – баланың ересектер әлеміне, саналы өмірге жасаған алғашқы қадамы. Баланың болашақтағы жетістігі мен тұлғалық дамуы осы кезеңдегі бейімделу үдерісіне тікелей байланысты.
Ата-аналар баланың мектепке бейімделу кезеңі бірнеше айға созылуы мүмкін екеніне дайын болуы қажет. Бұл уақытта балаға ең алдымен ата-анасының қолдауы, түсіністігі мен сабырлығы аса маңызды. Сондықтан әрбір ата-ана баласына барынша қолдау көрсетуге талпынуы тиіс.
Ата-аналарға ұсыныстар:
-
Баланы жайлап оятыңыз. Оянған сәтте ол сіздің күлімсіреген жүзіңізді көріп, жылы сөзіңізді естісін. Таң атпай асықтырып, ұсақ-түйекке бола ұрыспаңыз.
-
Баланы мектепке міндетті түрде таңғы ас ішкізіп жіберіңіз. Сабаққа дейін оған көп күш жұмсауға тура келеді.
-
Қоштасарда ақыл айтумен шектелмей, балаға сәттілік тілеңіз.
-
«Бүгін қандай баға алдың?» деген сұрақты жиі қоймаңыз. Мектептен кейін баланы байыппен қарсы алып, демалуына мүмкіндік беріңіз.
-
Егер бала ренжулі болып, үндемей жүрсе, сұрақпен қыспаққа алмаңыз. Уақыты келгенде өзі айтады.
-
Мұғалімнен ескерту ести сала баланы кінәлауға асықпаңыз. Алдымен мұғаліммен баланың қатысуынсыз сөйлескен жөн.
-
Мектептен келген бойда сабаққа отырғызбаңыз. Балаға 2–3 сағат демалу қажет (1-сынып оқушысына 1–1,5 сағат күндізгі ұйқы пайдалы).
-
Барлық сабақты бірден орындатпаңыз. Әр 15–20 минут сайын 10–15 минуттық үзіліс жасаңыз.
-
Сабақ орындау кезінде баланың үстінен бақылап тұрмаңыз. Өздігінен жұмыс істеуіне мүмкіндік беріңіз, қажет кезде сабырмен көмектесіп, қолдау көрсетіңіз.
-
Баланың бас ауруы, тез шаршауы, көңіл күйінің төмендеуі сияқты шағымдарына мән беріңіз. Бұл – қажудың немесе мектептегі қиындықтардың белгісі болуы мүмкін.
Ата-аналарға қосымша кеңес:
-
Балаңызды жетістігі үшін ғана емес, қандай болса да жақсы көретініңізді сездіріңіз.
-
Баланы басқа балалармен салыстырмаңыз.
-
Күн сайын балаңызбен бірге болуға, сөйлесуге уақыт табыңыз.
-
Жетістіктері үшін міндетті түрде мақтаңыз, қолдауыңызды білдіріңіз.
-
Бала бойында өзіне деген сенімділік қалыптастырыңыз:
«Мен ақылдымын», «Мен батылмын», «Менің қолымнан бәрі келеді» деген сенімдерді орнықтырыңыз.
-
Балаға ата-ана ғана емес, дос болуға тырысыңыз.
-
Өз балаңызға сеніңіз. Сіздің сеніміңіз оның жетістікке жетуіне жол ашады.
-
Баланы жиі құшақтап, жылы сөз айтуға ұмытпаңыз.
