11 - сынып оқушыларын Ұлттық бірыңғай тестілеуге дайындау мақсатында мектебімізде байқау ҰБТ өткізілді. Байқау 06 қараша күні ұйымдастырылып, ағымдағы оқу жылының барлық түлектері қамтылды.
Тест тапсыру шынайы ҰБТ форматына жақын жағдайда өтті: оқушылар арнайы бөлмелерге орналастырылып, қатаң тәртіп пен ережелер сақталды, ұялы телефон қолдануға тыйым салынды.
Оқушылар негізгі пәндер бойынша сынақ тапсырды: математикалық сауаттылық, оқу сауаттылығы, Қазақстан тарихы және екі бейіндік пән.
Тест аяқталғаннан кейін нәтижелер талданып, әр оқушыға жеке кері байланыс берілді. Бұл кері байланыс арқылы олардың білім деңгейі сараланып, қай тақырыптармен әлі де жұмыс істеу қажет екені анықталды.
Байқау сынағы оқушылардың емтихан форматына бейімделуіне, қорқыныштарын жеңуіне және дайындық деңгейін нақты бағалауға мүмкіндік берді.
