Мектебімізде ата - аналарға арналған «Буллингсіз орта - қауіпсіз мектеп кепілі!» тақырыбында маңызды жиналыс ұйымдастырылды.
Жиынның мақсаты - білім алушылардың психологиялық қауіпсіздігін қамтамасыз ету, буллингтің алдын алу және ата - ана мен мектеп арасындағы ынтымақтастықты нығайту.
Кездесу барысында буллингтің түрлері, оның бала психикасына әсері, ерте белгілерін анықтау жолдары және алдын алу шаралары жан - жақты түсіндірілді. Ата - аналарға балаға қолдау көрсету, сенімді қарым-қатынас орнату, мектеппен тығыз байланыста болудың маңыздылығы айтылды.
Жиналысқа Қостанай қаласы білімі бөлімінің ақпарат бөлімінің әдіскері Сагиндыкова Асия Курмангалиевна қатысып, ата - аналарға пайдалы ұсыныстар мен практикалық кеңестер берді, сұрақтарға жауап беріп, пікір алмасты.
Осындай бірлескен жұмыстар арқылы біз балаларымыз үшін қауіпсіз, мейірімді әрі қолайлы мектеп ортасын қалыптастырамыз.
Бала қауіпсіздігі - бәріміздің ортақ жауапкершілігіміз!
