1 - маусым “Балаларды қорғау күніне” орай мектебімізде «Айгөлек» мектеп жанындағы жазғы алаңының салтанатты ашылу рәсімі өтті
Балалардың шат күлкісі мен көтеріңкі көңіл-күйге толы бұл күн ерекше әсерге бөледі. Ашылу рәсімінде оқушыларға мерекелік бағдарлама ұйымдастырылды. “Айгөлек” жазғы алаңы – балалардың жазғы демалысын мазмұнды өткізіп, шығармашылық қабілеттерін дамытып, достық қарым-қатынастарын нығайтатын ерекше орта. Алдағы уақытта бүлдіршіндерді көптеген қызықты кездесулер, танымдық шаралар мен жарқын сәттер күтіп тұр. Барша балаларды мерекемен құттықтай отырып, жарқын жаз, көтеріңкі көңіл-күй және ұмытылмас әсер тілейміз! “Айгөлек” жазғы алаңының жаңа маусымы құтты болсын!
