Жаңа оқу жылына дайындық – сапалы білімнің кепілі
Құрметті ата-аналар, оқушылар және әріптестер!
2024-2025 оқу жылы басталар алдында, мектебіміздің ұстаздары мен әдістемелік бірлестіктері жаңа бастамаларға, жетістіктерге және білімге толы кезеңге толықтай дайын екенін қуанышпен хабарлаймыз.
Біздің педагогикалық ұжым әр оқушының әлеуетін ашуға және олардың шығармашылық қабілеттерін дамытуға баса назар аударады. Жаңа оқу жылына дайындық аясында әдістемелік бірлестіктердің отырыстарында оқытудың жаңа әдістері, озық технологиялар мен инновациялық тәсілдер талқыланды. Әрбір мұғалім сабақтарын оқушылар үшін қызықты, интерактивті және тиімді етуге дайын.
Біздің басты мақсатымыз – сапалы білім беру.
Біздің мектеп «Келешек мектептері» жобасы аясында салынғандықтан, заманауи жабдықтармен және интерактивті құралдармен қамтамасыз етілген. Бұл оқу процесін жаңа деңгейге көтеруге және оқушылардың XXI ғасыр дағдыларын қалыптастыруға мүмкіндік береді.
Біздің ұжым кез келген қиындықтарды жеңуге және оқушыларымызға ең үздік білім беруге дайын. Жаңа оқу жылы бәріміз үшін табысты әрі жемісті болсын!
